ესპანური კლუბის „ბარსელონას“ არგენტინელი თავდამსხმელი ლიონელ მესი და მამამისი ხორხე მესი, გადასახადების გადაუხდელობაში დაადანაშაულეს. როგორც მედიისთვის გახდა ცნობილი, ვალი ოდენობა 5,3 მილიონ ევროს შეადგენს.
კატალონიის პროკურატურა აცხადებს, რომ ფეხბურთელის 2006, 2007, 2008 და 2009 წლის საშემოსავლო დეკლარაციებში დარღვევები ფიქსირდება.
ოქროს ბურთის ოთხგზის მფლობელი ლიონელ მესი ბრალდებას უარყოფს. მან “Facebook”-ის საკუთარ გვერდზე შემდეგი განცხადება განათავსა: - „ჩვენ ესპანეთის საგადასახადო ორგანოების ბრალდებები მედიის საშუალებით შევიტყვეთ და გაკვირვებულები ვართ, რადგან არანაირი წესი არ დაგვირღვევია. გადასახადებთან დაკავშირებულ მოვალეობებს ყოველთვის პირნათლად ვასრულებდით. სიტუაციის გარკვევას ჩვენი კონსულტანტები აუცილებლად ეცდებიან“.