რუსულ გამოცემა «Российская газета»-ს მიერ გამოქვეყნებულ სტატიაში გადმოცემულია საქართველოს ექს-პრეზიდენტ და უკრაინის ოდესის ოლქის ექს-გუბერნატორ მიხეილ სააკაშვილთან დაკავშირებული აჟიოტაჟი: როგორც ცნობილია იგი პოლონეთიდან უკრაინაში შესვლას 10 სექტემბერს გეგმავს, მაგრამ უკრაინას მისი მიღება არ სურს.

საინფორმაციო სააგენტო "ნიუსპრესი" გთავაზობთ მასალის ქართულენოვან რეზიუმეს:

არც საქართველო იკლავს თავს მაინცდამაინც მისი ექტრადირების მოთხოვნით - არიქა, როგორც კი შემოვა, მე გამომიგზავნეთო: გიორგი მღებრიშვილმა რუს პრანკერთან („არსენ ავაქოვთან“) საუბრისას განაცხადა, რომ მიხეილ სააკაშვილი თბილისს არც მკვდარი და არც ცოცხალი სახით არ ჭირდება. იგივე განწყობაა უკრაინის მმართველ პოლიტიკურ ელიტაშიც: ქართველი ვარიაგი საშინლად სძულთ პრეზიდენტს მინისტრებს, რადას წევრებს, ნაციონალისტებს და ისეთ ადამიანებს, რომლებიც ერთმანეთის მოწინააღმდეგენი არიან, მაგრამ მიხოს მაინც ვერ იტანენ.

„ნარკომანი“, „სადისტი“, „აფერისტი“ - აი, ასეთი ეპითეტებით ამკობენ უკრაინაში მიხეილ სააკაშვილს. მისი მხარდამჭერები ვერხოვნა რადაში ძალიან ცოტანი არიან, თანაც უკრაინელი დეპუტატ-სააკაშვილისტების ნახევარს კანონთან პრობლემები აქვს.

რატომ დათქვა მიხეილ სააკაშვილმა საზღვარზე გადასვლის დღე 10 სექტემბერი? იმიტომ რომ ამ დღეს უკრაინის პრეზიდენტი პეტრო პოროშენკო აშშ-ში მიემგზავრება, გაეროს გენასამბლეის სესიაზე და ხმაურიანი სკანდალი, რომელიც მის უკრაინაში არ ყოფნის დროს ატყდება, პრეზიდენტს ვიზიტს ჩაუშხამებს“, - ნათქვამია პუბლიკაციაში.



https://rg.ru/2017/08/17/mihail-saakashvili-vnov-poobeshchal-vernutsia-na-ukrainu.html