რუსული გამოცემა «КоммерсантЪ»-ის მიერ გამოქვეყნებული სტატია საქართველოს საკონსტიტუციო ცვლილებების თემას და მასთან დაკავშირებულ მოვლენებს ეხმაურება.

პუბლიკაციაში აღნიშნულია, რომ კონსტიტუციაში შეტანილი ცვლილებების თანახმად, რომელიც პირველი მოსმენით მიიღეს, საქართველო საბოლოოდ ყალიბდება საპარლამენტო რესპუბლიკად: 2023 წლიდან პრეზიდენტის არჩევნები ჩატარდება არა საყოველთაო-სახალხო წესით, არამედ მას ამომრჩეველთა სპეციალური კოლეგია აირჩევს. გარდა ამისა, 2024 წლიდან პარლამენტის არჩევნები მხოლოდ პროპორციული წესით გაიმართება.

„ოპოზიცია რეფორმით უკმაყოფილო დარჩა: მას არ აწყობს არც პრეზიდენტის სიმბოლურ ფიგურად გადაქცევა და არც ის, რომ მაჟორიტარულ ოლქები მხოლოდ 2024 წლიდან გაუქმდება (ნაცვლად 2020 წლისა). საპარლამენტო ოპოზიციამ პარლამენტის სხდომებს ბოიკოტი გამოუცხადა, არასაპარლამენტო კი, რომელმაც საკოორდინაციო საბჭო შექმნა, ხელისუფლებას მასობრივი საპროტესტო აქციებით დაემუქრა“, - აღნიშნულია სტატიაში.


https://www.kommersant.ru/doc/3332215