პოპულარული ამერიკული გამოცემა Huffington Post-ის გერმანულენოვან ვერსიაში გამოქვყნებულ სტატიაში საუბარია საქართველოს ღირსშესანიშნაობებზე, ქართველი ხალხის სტუმართმოყვარეობასა და სხვა დადებით თვისებებზე, ქვეყნის ტურისტულ პოტენციალზე და ა.შ. (ავტორი - კარლ-ჰაინც ჰენელი).

საინფორმაციო სააგენტო "ნიუსპრესი" გთავაზობთ პუბლიკაციის შინაარსს:

თურქეთის ჩრდილო-აღმოსავლეთით, შავი ზღვის საპაიროზე, კავკასიაში მდებარეობს საქართველო, რომელიც მოგზაურებს ყველა სურვილს და მოთხოვნას დააკმაყოფილებს: აქ არის მთებიც, ზღვაც, უამრავი ისტორიული და ბუნებრივი ღირსშესანიშნაობები, გრანდიოზული ლანდშაფტური ძეგლები და... ქართველი ხალხის ლეგენდარული სტუმართმოყვარეობა. ბოლო წლებში ქვეყნის ხელისუფლება დიდ ძალისხმევას ახმარს ტურისტული ინფრასტრუქტურის გაუმჯობესებას. მართალია, ამჟამად საქართველოში მოგზაურისთვის შეიძლება ყველაფერი იდეალურად მოწყობილი არ არის, მაგრამ თუ ტურისტი ქართული კულტურის ძეგლებს და საგანძურებს მოინახულებს, წარუშლელ შთაბეჭდილებებს მიიღებს. გულნაკლულნი არც ბუნების მოყვარულები არ დარჩებიან: საქართველოში უამრავი ხელუხლებელი ნაკრძალები და პარკები არსებობს, - აღნიშნულია სტატიაში.

ავტორი მკითხველს ერთგვარ ორიენტაციასაც აძლევს:

„ვისაც გსურთ მოგზაურობის სწორად დაგეგმვა, კარგად მომზადებული გზამკვლევი უნდა გქონდეთ. ერთ-ერთი ასეთი კარგი გზამკვლევია ახლახან, უკვე მერვედ გამოცემული წიგნი „საქართველო - კავკასიის გზებით შავი ზღვისაკენ“ (გერმანულ ენაზე), რომელიც ძალიან მდიდრულადაა ილუსტრირებული: მასში აღწერილია რეგიონები - კახეთი, ქართლი, სვანეთი, და, რა თქმა უნდა, დედაქალაქი თბილისი. ძალიან ბევრი მასლაა აჭარის შესახებაც. გადმოცემულია ქვეყნის ისტორიაც: ალბათ, ბევრმა არც იცის, რომ საქართველო მსოფლიოს უძველეს ქრისტიანულ ქვეყნებს მიეკუთვნება. წიგნი მდიდარია რუკებით, ქალაქების გეგმა-სქემებით, მას თან დართული აქვს გერმანულ-ქართული სასაუბროც. ასე რომ, წიგნი დიდ სამსახურს გაუწევს გერმანელ ტურისტებს“, - ნათქვამია სტატიაში.


http://www.huffingtonpost.de/karlheinz-haenel/ost-europa---keine-angst_b_16485058.html