50 წლის ცეზარ არნოლდო გომეზი გასულ ხუთშაბათს გონებადაკარგული იპოვეს გვირაბში, რომელიც მან ყოფილი შეყვარებულის, 58 წლის გრიზელდა სანტილანის სახლში მალულად გათხარა.

dailymail-ის მიერ გავრცელებული ინფორმაციის მიხედვით, სანტილანსა და გომეზს შორის 14-წლიანი ურთიერთობა მამაკაცის მხრიდან ძალადობის საფუძველზე დასრულდა.

არნოლდო გომეზი ყოფილი შეყვარებულის სახლში, მექსიკაში, გვირაბს რამდენიმე კვირის განმავლობაში თხრიდა.

როგორც გრიზელდა სანტილანი აცხადებს, ხმაურისათვის, რომელიც გვირაბის თხრის დროს იყო გამოწვეული, მას ყურადღება არ მიუქცევია, რადგან იფიქრა, ეს მისი კატების გამო ხდებოდა.

50 წლის კაცი გვირაბში პოვნის შემდეგ საავადმყოფოში გადაიყვანეს, მოგვიანებით კი ბრალი შემაკავებელი ორდერის დარღვევისათვის წაუყენეს.