„ჩვენი მეზობელი სახელმწიფოს ელექტორატი ხვალ, 28 ნოემბერს, რესპუბლიკის პრეზიდენტის არჩევის მიზნით, მონაწილეობას ბოლო საერთო-სახალხო არჩევნებში მიიღებს. ამიტომაც საარჩევნო კამპანიის მიმდინარეობა ბოლო დღეებში განსაკუთრებით მწვავეა“ - აღნიშნულია აზერბაიჯანული გამოცემის, «Каспiй»-ს მიერ გამოქვეყნებულ სტატიაში, რომელშიც ბოლო დღეებში, საარჩევნო ფონზე, საქართველოში მომხდარი სკანდალური მოვლენებია მიმოხილული.

საინფორმაციო სააგენტო "ნიუსპრესი" გთავაზობთ რაუფ ტოფიკოღლუს ავტორობით გამოქვეყნებული სტატიის ქართულენოვან რეზიუმეს:

პუბლიკაციის ავტორი ეხება სატელეფონო საუბრის ადიოჩანაწერის გამჟღავნებას (მიხეილ სააკაშვილსა და გიორგი ვაშაძეს შორის), დოკუმენტების ფალსიფიცირებასთან დაკავშირებულ არასამთავრობო ორგანიზაციების განცხადებას, „ნაციონალებისა“ და „მეოცნებეების“ მხარდამჭერთა ერთმანეთისადმი ფიზიკურ შეხლა-შემოხლებს და სხვა სკნადალურ ფაქტებს. სტატიაში დიდი ადგილი აქვს დათმობილი აგრეთვე თბილისში გამართულ მასობრივ მიტინგს, „საქართველოს პატრიოტთა ალიანსის“ ორგანიზატორობით. „ნაცმოძრაობის“ წინააღმდეგ მიმართულ აქციაში მონაწილეობა რამდენიმე ათასმა ადამიანმა მიიღო, ლოზუნგებით „არა ნაციზმს“. მიტინგის მეონაწილეები საქართველოში მიხეილ სააკაშვილის დაბრუნების წინააღმდეგ გამოვიდნენ“, - აღნიშნული მასალაში, რომელშიც „პატრიოტთა ალიანსის“ ლიდერის ირმა ინაშვილის მოწოდებებია ციტირებული როგორც სალომე ზურაბიშვილის მიმართ („ქვეყანას სხვა არჩევანი არ აქვს“) და მიხეილ სააკაშვილის („ჩვენ ამ მანიაკს სამშობლოს არ დავუთმობთ“) მიმართ.

საინტერესოა, რომ ოპოზიციური ტელეარხის „რუსთავი-2“-ის ცნობით, პატრიოტთა ალიანსის მიტინგის ორგანიზებაში აქტიურად იყო ჩართული „ქართული ოცნება“, რომელიც „ალიანსს“ ქვეყნის სხვადასხვა რეგიონებიდან ხალხის თბილისში ჩამოყვანაში დაეხმარა“, - ხაზს უსვამს ავტორი.

და ბოლოს, სტატიაში საუბარია ამერიკული სოციოლოგიური კვლევის ორგანიზაციის Edison Research-ის მიერ ჩატარებული გამოკითხვის შედეგები, რომლის მიხედვით, არჩევნების II ტურში გრიგოლ ვაშაძე გაიმარჯვებს (მიღებული ხმების 45%-ით), სალომე ზურაბიშვილი კი დამარცხდება (ხმების 42%-ით). „ამრიგად, თვით ოპოზიციის დაკვეთით ჩატარებული გამოკითხვითაც კი ჩანს, რომ მაქსიმალური სხვაობა მხოლოდ 3-4% შეიძლება იყოს, ეს ნიშნავს, რომ ხმის მიცემის პროცესისადმი ყურადღება ძალზე მაღალი იქნება როგორც არჩევნებში მონაწილეეების, ასევე უცხოელი დამკვირვებლების მხრიდან“, - ასკვნის ავტორი.