რუსული გამოცემა, «Московский комсомолец»-ი საქართველოში მიმდინარე პოლიტიკურ პროცესებს ვრცელ სტატიას უძღვნის და პრეზიდენტობისთვის მებრძოლ მთავარ კონკურენტებზე საუბრობს.

სტატიაში ჟურნალისტი მარინა პერევოზკინა გრიგოლ ვაშაძის კარიერაზე საუბრობს, რომელიც მან ჯერ საბჭოთას კავშირში, შემდეგ კი რუსეთში გაიკეთა.

გთავაზობთ ფრაგმენტს სტატიიდან:

"გრიგოლ ვაშაძემ და მისმა ცოლმა, ბალერინა ნინო ანანიაშვილმა ყველაფერი მიიღეს ჯერ საბჭოთა კავშირიდან, შემდეგ კი რუსეთიდან. გრიგოლ ვაშაძე საბჭოთა კავშირისა და რუსეთის წარმატებული დიპლომატი იყო, ნინო ანანიაშვილი კი - მსახიობი, რომელმაც ბრწყინვალე კარიერა გაიკეთა მოსკოვის დიდ თეატრში. როგორც ამბობენ, ამ წყვილს ღვინის ბიზნესი დღესაც რუსეთში აქვთ. ნინო ანანიაშვილი მიხეილ სააკაშვილის ნათლიდედაა, ანუ მისი ვაჟის ნათლია. შეიძლება ითქვას, რომ გრიგოლ ვაშაძე ექს-პრეზიდენტის ოჯახის წევრია. „ნაცების“ კანდიდატს რუსეთში იგივე ძალები ლობირებენ, რომლებმაც თავის დროზე მიხეილ სააკაშვილს ლობირებდნენ და მოსკოვს არწმუნებდნენ - „მიშა კარგი ბიჭიაო“. გრიგოლ ვაშაძეს მხარს უჭერენ „რუსი ქართველებიც“ - სწორედ ისინი, რომლებიც 2008 წლის 8 აგვისტოს მოსკოვის რესტორნებში საქართველოს გამარჯვებისათვის სადღეგრძელოებს სვამდნენ. და თუ გრიგოლ ვაშაძე პრეზიდენტი გახდება, საქართველოს ხელისუფლებაში „მიშისტების“ მოსვლის შანსი არსებითად გაიზრდება"-წერს ჟურნალისტი.