ამერიკის შეერთებული შტატების პრეზიდენტის, დონალდ ტრამპის საარჩევნო კამპანიის ყოფილი მენეჯერის, კორი ლევანდოვსკის განცხადებით, აშშ-მ საქართველოს ჯაველინები იმიტომ მიჰყიდა, რომ ამერიკამ საქართველოსგან ერთგულება და კარგი პარტნიორობა დაინახა მაშინ, როცა ეს სჭირდებოდა.

"ასე მუშაობს ურთიერთობები. ესაა ისეთი ურთიერთობა, როცა ჩვენ ვამბობთ, რომ გვინდა გაგიზიაროთ ჩვენი ტექნოლოგიები, ჩვენი სამხედრო შესაძლებლობები, ჩვენი რესურსები. პრეზიდენტი ამისთვის მზადაა"-განაცხადა ლევანდოვსკიმ.

ის ასევე პოზიტიურად აფასებს ფაქტს, რომ საქართველო თავდაცვაზე მთლიანი შიდა პროდუქტის 2 პროცენტს ხარჯავს.

"თუ დადებ პირობას და თუ გსურს იყო რაღაცის ნაწილი, ეს პირობა უნდა შეასრულო. საქართველოს მთლიანი შიდა პროდუქტის 2 პროცენტი გაცილებით ნაკლებია, ვიდრე ჩვენი. მაგრამ ისინი პირობას ასრულებენ. მაგალითად, პოლონეთმა კონსტიტუციაში ცვლილება შეიტანა და თავდაცვაზე არა 2 პროცენტის, არამედ 2.5 პროცენტის გამოყოფა გადაწყვიტა. ეს არის ქვეყნები, რომლებსაც იმედი მაქვს მხარს დავუჭერთ ტექნოლოგიებით, იარაღით, რესურსებით და ტრეინინგებით. ამით შეეძლება ამერიკას მათი პარტნიორობა. ქვეყნები, რომლებიც დადებულ პირობებს ასრულებენ ის ქვეყნებია, რომლებსაც ჩვენ დავეხმარებით"-აცხადებს ლევანდოვსკი "ამერიკის ხმასთან" ინტერვიუში.



ინტერვიუს სრული ვერსიის ნახვა შესაძლებელია ბმულზე: nsp.ge