„სომხეთმა გარკვეულწილად გაიმეორა თავისი უშუალო ჩრდილოელი მეზობლის საშინაოპოლიტიკური ტრაექტორია - როგორც ცნობილია, მიხეილ სააკაშვილმა პრეზიდენტობის მეორე ვადის დროს საკონსტიტუციო რეფორმის ინიცირება მოახდინა, რომლის თანახმად, ხელისუფლების სიმძიმის ცენტრი პრეზიდენტის სასახლიდან პარლამენტის შენობაში გადადიოდა, სადაც კანონმდებლები - საპარლამენტო უმრავლესობა მთავრობას ჩამოაყალიბებდნენ“-ამის შესახებ რუსული გამოცემის, «КоммерсантЪ»-ის მიერ გამოქვეყნებულ სტატიაშია საუბარი.

სტატიის ავტორის შეფასებით, ასეთი კონსტრუქცია პრეზიდენტყოფილ ქართველ ლიდერს ჰიპოთეტურად მაინც უფლებას აძლევდა მთავრობაზე კონტროლი განეხორციელებინა, მაგრამ მხოლოდ იმ შემთხვევაში, თუ მისი პარტია არჩევნებში გაიმარჯვებდა.

„ანალოგიური რეფორმა სომხეთშიც გატარდა, მაგრამ როგორც ჩანს, ორივე ქვეყანაში რეჟიმის კონსერვაციის ასეთმა მეთოდმა ვერ იმუშავა: საქართველოში 2012 წელს ჩატარებულ არჩევნებში მიხეილ სააკაშვილის პარტიამ პარლამენტში უმრავლესობა ვერ მოიპოვა, შესაბამისად, პრეზიდენტი მიხეილ სააკაშვილი ვადის გასვლამდე პოლიტიკურ მარტოობაში დარჩა; სომხეთში კი, მართალია, სერჟ სარგსიანმა პრემიერ-მინისტრობამდე მიაღწია, მაგრამ ხალხის საპროტესტო გამოსვლებმა იგი, საბოლოო ჯამში, მაინც გადადგომამდე მიიყვანა“-წერს ავტორი.

p.s. მასალის ვრცელი ვერსიის ნახვა შესაძლებელია ვებ-გვერდზე: WWW.NSP.GE