რუსეთი და საქართველო ძალიან ახლოს მივიდნენ 2011 წელს ხელმოწერილი „საბაჟო ადმინისტრირებისა და საქონლით ვაჭრობის მონიტორინგის ძირითადი პრინციპების შეთანხმების“ პირობების რეალიზებამდე. როგორც ცნობილია, ამ დოკუმენტის მიზანია ხელი შეუწყოს მხარეებს ვაჭრობასა და სატრანსპორტო კომუნიკაციების განვითარებაში აფხაზეთ-სამხრეთ ოსეთის გავლით, მაგრამ ისე, რომ საქართველოს ყოფილი ავტონომიების სტატუსს არ შეეხონ. თუმცა, პრაღაში გამართული მოლაპარაკების შედეგებით ირკვევა, რომ სწორედ აფხაზეთისა და სამხრეთ ოსეთის სტატუსის თაობაზე არსებული დავა შეიძლება იქცეს ბარიერად მოსკოვ-თბილისის 2011 წლის შეთანხმების იმპლემენტაციის გზაზე. (...)

როგორც ზურაბ აბაშიძემ განუცხადა „კომერსანტის“ კორტესპონდენტს, „რუსული მხარე კვლავ ცდილობს 2011 წლის ინტერპრეტირებას, ეს კი ჩვენთვის მიუღებელია. ადრე რუსი კოლეგები გვეთანხმებოდნენ იმაში, რომ 2011 წლის ხელშეკრულება აფხაზეთისა და სამხრეთ ოსეთის სტატუსს არ ეხება, მაგრამ ბოლო დროს მოსკოვი ადრინდელი მიდგომები შეცვლა და თბილისისათვის მიუღებელი პოზიცია დაიკავა“.

წარმოქმნილი აზრთა სხვადასხვაობის გათვალიწინებით, ზურაბ აბაშიძემ არ დამალა თავისი ეჭვები აღნიშნული შეთანხმების რეალიზაციის შესაძლებლობისა და სატრანზიტო მოძრაობის დაწყებასთან დაკავშირებით: „თბილისში დავბრუნდები, ქვეყნის ხელისუფლებას შევხვდები, კონსულტაციას მივიღებ და ვნახოთ, რა როგორ იქნება“, - მრავლისმეტყველად აღნიშნა ქართველმა დიპლომატმა.

გრიგორი კარასინმა პრაღაში მოლაპარაკების შემდეგ „კომერსანტს“ უთხრა, რომ თბილისისა და მოსკოვის მიდგომებში განსხვავება ყოველთვის იყო და ეს არავის არასდროს დაუმალავს - არც 2011 წელს და არც ახლა“. მისი თქმით, მოსკოვისათვის ასევე მიუღებელია „ქართველი ოფიციალური პირებისა და ექსპერტების მრავალრიცხოვანი კომენტარები იმის შესახებ, რომ 2011 წლის შეთანხმებით რუსეთი საქართველოს ტერიტორიული მთლიანობას თითქოსდა დე ფაქტოდ აღიარებს. ახლა მთავარია არა სიტყვებით თამაში, არამედ აღებული ვალდებულების შესრულება“. რუსიუი დიპლომატის განცხადებით, რუსეთი, საქართველოს მსგავსად, უახლოეს ხანში შვეიცარიულ კომპანიასთან აუცილებელ კონტრაქტს გააფორმებს.