გავლენიანი ბრიტანული გამოცემა «Financial Times»-ი, საქართველოს ექსპრეზიდენტ მიხეილ სააკაშვილის მიმართ ბოლო დღეებში განვითარებულ მოვლენებს მიმომხილველ რომან ოლეარჩიკის სტატიით ეხმაურება.

საინფორმაციო სააგენტო "ნიუსპრესი" გთავაზობთ ამონარიდს მასალიდან:

კიევის სასამართლოს მოულოდნელი, სიურპრიზული გადაწყვეტილება მიხეილ სააკაშვილის გათავისუფლების თაობაზე, კიდევ ერთი მაჩვენებელია იმისა, თუ როგორ მწვავდება დაპირისპირება საქართველოს ექს-პრეზიდენტსა და უკრაინის პრეზიდენტ პეტრო პოროშენკოს შორის, რომლისთვისაც ყოფილი პოლიტიკური მოკავშირე შეურიგებელ მტრად იქცა.

მოვლენათა ასეთი განვითარება კიდევ ერთი არასასიამოვნო, მტკივნეული დარტყმას წარმოადგენს პეტრო პოროშენკოსა და მის კონტროლქვეშ მყოფი ლოიალური პროკურორების მიმართ, რომლებიც მშვენივრად ხედავდნენ, თუ როგორ ეწინააღმდეგებოდა მოსახლეობა მიხეილ სააკაშვილის დაკავებას მათი ბრალდების საფუძველზე - თითქოსდა ოდესის ოლქის ექს-გუბერნატორს გარიგება აქვს დადებული მოსკოვთან კიევში მიმდინარე საპროტესტო აქციების დაფინანსების მიზნით.