სომხური გამოცემა «Lragir»-ი, აქვეყნებს სტატიას სათაურით - „კიდევ ერთი „ღამის გადაწყვეტილება: სომხეთმა უარი განაცხადა ნატოს სწავლებებში მონაწილეობაზე“.
სტატიიდან, რომლის რეზიუმეს საინფორმაციო სააგენტო "ნიუსპრესი" გთავაზობთ, ირკვევა, რომ სომხეთმა საქართველოში დაგეგმილ სამხედრო წვრთნებში მონაწილეობაზე უარი, ფაქტიურად ბოლო წუთებში თქვა.
"წინასწარ დამტკიცებული გეგმის თანახმად, Agile Spirit 2017-ში მონაწილეობა სომხეთსაც უნდა მიეღო, მაგრამ 3 სექტემბერს, ღამით, ცნობილი გახდა, რომ ოფიციალურმა ერევანმა უარი განაცხადა წრთვნებში მონაწილეობაზე. სომხეთის თავდაცვის სამინისტრო ჯერ-ჯერობით რაიმე კომენტარს არ აკეთებს. თუმცა დღეს სომხურმა ოპოზიციურმა მასმედიამ მიანიშნა, რომ ერევნის გადაწყვეტილებაში რუსული კვალი ურევია: მოსკოვმა უარყოფითად აღიქვა ერთი თვის წინათ თბილისთან ახლოს გამართულ ნატოს წრთვნებში Noble Partner-2017-ში სომეხი ჯარისკაცების მონაწილეობა (იმის გათვალისწინებით, რომ სომხეთი „ოდკბ“-ის წევრია) და ერევანს Agile Spirit 2017-ში მონაწილეობა აუკრძალა"-ნათქვამია სტატიაში.

http://www.lragir.am/index/rus/0/politics/view/57849