შინაგან საქმეთა სამინისტრო, საქართველოს დამოუკიდებლობის დღესთან დაკავშირებით, 26 მაისს თელავში გეპატიჟებათ, სადაც ერეკლე მეორის გამზირზე, საგზაო მოძრაობის უსაფრთხოების კამპანიის - „შენი გულისთვის, შენი უსაფრთხოების“ ფარგლებში, სამინისტრო იმიტირებულ ქალაქში გიმასპინძლებთ.

სტუმრებს, დამოუკიდებლობის დღეს, თელავში, სამინისტროს სხვადასხვა დანაყოფის ტექნიკის, შეიარაღებისა და აღჭურვილობის გამოფენის გარდა, უამრავი სიურპრიზი ელოდება:
• შსს-ს „112“-ის დეპარტამენტის „კოსმოსური ხომალდი“,
მაღალტექნოლოგიური კომპიუტერული სათავგადასავლო თამაშები და პრიზები;
• სასრიალო ბატუტი;
• ველოსიპედის მართვის მოწმობის აღების უნიკალური შანსი;
• ძარიანი ავტომობილებით რბოლაში ევროპის პირველი ქართველი ჩემპიონი დათა ქაჯაია და შსს-ს სპორტული კლუბი MIA Force-ის სარბოლო ავტომობილების გამოფენა;
• საპატრულო პოლიციის, განსაკუთრებულ დავალებათა დეპარტამენტის და სასაზღვრო პოლიციის ტექნიკა და აღჭურვილობა;
• დაცვის პოლიციის „დაცული ქუჩა“ და სახლი N125;
• ღია კინოთეატრში შსს-ს არქივის უნიკალურ, მოკლემეტრაჟიან ისტორიულ ფილმებს ნახავთ.
• ვირტუალურ ტირში კი რამდენიმე წუთით ნამდვილი პოლიციელის როლს მოირგებთ.
სპეციალურად მოწყობილ საბავშვო კუთხეში საგზაო მოძრაობის უსაფრთხოების თემაზე ნახატების კონკურსი ჩატარდება, გამარჯვებულებს კი ჟიური დააჯილდოვებს.
ჩვენს ქალაქში მეგზურობას პოლი გასწევს.
ქალაქის შესასვლელთან სტუმრებს სასაზღვრო პოლიციის თანამშრომლები და სპეციალურად გაწვრთვნილი ძაღლები შეხვდებიან, ხოლო ქალაქში, მთელი დღის განმავლობაში, მეხანძრე-მაშველები და საპატრულო პოლიციის თანამშრომლები უმასპინძლებენ.