საშუალო წნევის გაზსადენზე დაგეგმილი გადართვითი სამუშაოების გამო, დღეს თბილისის მოსახლეობის ნაწილს გაზმომარაგება დროებით შეეზღუდება.
როგორც „ნიუსპრესს“ „ყაზტრანსგაზ-თბილისიდან“ აცნობეს, სარემონტო სამუშაოები დღეს 21:00 საათიდან დაიწყება და გაზის მიწოდება ვაკე-საბურთალოს რაიონის ნაწილს შეუწყდება. კერძოდ, ბუნებრივი აირი არ მიეწოდება ჭავჭავაძის გამზირის #35 და #37-ს, აბულაძის ქუჩას, ყიფშიძის, ფანასკერტელის, ბახტრიონის ქუჩების ნაწილს, დოლიძის ქუჩისა და საირმის გორის კერძო სექტორის მოსახლეობას, ასევე, აღნიშნულ ტერიტორიაზე განთავსებულ ობიექტებს.
„ყაზტრანსგაზ-თბილისი“ აბონენტებს მოუწოდებს დაკეტილ მდგომარეობაში იქონიონ გაზის ონკანები და გაზის დანადგარები გააკონტროლონ. მათთან გაუფრთხილებლობით გამოწვეულ ავარიებზე კომპანია პასუხისმგებლობას იხსნის.
„ყანსტრანსგაზ-თბილისის“ ინფორმაციით, ბუნებრივი აირის მიწოდება ეტაპობრივად 27 ივნისს, დღის მეორე ნახევარში დაიწყება და 28 ივნისს დასრულდება.