მიმდინარე წლის 23 აპრილს, 20:00 საათზე Impact Hub Tbilisi-ში დასრულდა 48 საათიანი ჰაკათონი- Garage48, სადაც პროგრამისტებმა, დიზაინერებმა, მარკეტერებმა, მეწარმეებმა და პროექტ-მენეჯერებმა განავითარეს კრეატიული იდეები და შექმნეს სამუშაო პროტოტიპები. ჰაკათონში მონაწილეობა მიიღო 70-ზე მეტმა მონაწილემ, რომლებმაც ორი დღის განმავლობაში ინტენსიურად იმუშავეს მენტორებთან ერთად.
უცხოელი და ქართველი ექსპერტებისგან დაკომპლექტებულმა ჟიურიმ სამი გამარჯვებული გუნდი გამოავლინა.
• I ადგილი - RehabGlove - ინსულტის სარეაბილიტაციო ხელთათმანი
• II ადგილი - E-Toy - საგანმანათლებლო სათამაშო
• III ადგილი - BookAR - მობილური აპლიკაცია - ცოდნის ვიზუალიზაცია
გამარჯვებულ გუნდებს გადაეცათ ფულადი ჯილდო თიბისი ბანკისგან (I ადგილი - 3000 ლარი, II ადგილი - 2000 ლარი, III ადგილი - 2000) და ერთთვიანი ულიმიტო წევრობა Impact Hub Tbilisi-ში.
პროექტის Garage48 ადგილობრივი პარტნიორები არიან Impact Hub Tbilisi, თიბისი ბანკი და საქართველოს ინოვაციების და ტექნოლოგიების სააგენტო.
Garage48 ღონისძიებების სერიაა, რომელიც 2010 წლის აპრილში ესტონეთში დაიწყო დამას შემდეგ სხვადასხვა ქვეყნაში ტარდება. წლების განმავლობაში, პროექტის ფარგლებში არაერთი საინტერესო იდეა განხორციელდა და შეიქმნა რამდენიმე წარმატებული სტარტაპი. პროექტის მიზანია მეწარმეობისა და სტარტაპ კულტურის ხელშეწყობა და ადამიანებისთვის იმის სწავლება, თუ როგორ შეიძლება მოკლე ვადებში იდეა პროტოტიპად აქციონ.