თანამედროვე ავეჯის სფეროში გამოწვევას წარმოადგენს ის ფაქტი, რომ ახალაშენებულ საცხოვრებელ კორპუსებში შიდა დაგეგმარება და კვადრატულობის განსაზღვრა ინდივიდუალურად ხდება. აქედან გამომდინარე, ყველა ეძებს ისეთ ავეჯს, რომელიც კონკრეტულად მათი სამზარეულოს ზომებზე იქნება მორგებული. სწორედ ამ მიზნით კომპანია “პანცილიონმა“ თავის შოურუმში შემოიტანა ავეჯის ორი ახალი ხაზი “შარლოტა“ და “სოფია“, რომელიც შედგება ცალკეული მოდულებისგან და საშუალებას იძლევა აღნიშნული ავეჯი მოვარგოთ ნებისმიერი სტილისა და ზომის სამზარეულოს ინტერიერს.
კომპანია “პანცილიონის“ პიარის და მარკეტინგის სამსახურის უფროსის მარიამ ბანცურის თქმით, აღნიშნული ხაზის სამზარეულოები გამოირჩევა ფერთა მრავალფეროვანი გამით და საშუალებას იძლევა “შევკრათ“ ნებისმიერი ზომისა და სტილის კომპლექტი.
"შარლოტა“ გამორიჩევა კოლექციაში არსებული ნათელი ფერებით: ყვითელი, ლურჯი, თეთრი, ლაიმისფერი და ა.შ. ის შედგება მოდულებისგან, რაც საშუალებას გვაძლევს ნებისმიერი სტილის სამზარეულოს ინეტრიერს მოვარგოთ, მიუხედავად მისი ზომებისა. მოდულები ერთმანეთისგან განსახვავდება არა მხოლოდ სიგანით, არამედ სიმაღლით, სიღრმით და დიზაინითაც კი. ასევე შესაძლებელია რამოდენიმე ფერის კომბინაციის შექმნა. მოდულების მრავალფეროვნება საშუალებას გვაძლევს “შევკრათ“ როგორც კლასიკური სტილის კომპლექტი, ისე თანამედროვე სტილის სამზარეულო. რაც შეეხება “სოფიას“ სამზარეულოების ხაზს, ისიც ფერთა ფართო ასორტიმენტით გამოირჩევა, თუმცა “შარლოტასგან“ განსხვავებით, ამ შემთხვევაში შესაძლებელია ფასადების არჩევაც: ლაკირებული, სადა, სახიანი თუ სხვ. მომხმარებელი ასევე არ არის შეზღუდული ზომებში. მოკლედ, სამზარეულოების ეს ორი ხაზი, აძლევს საშუალებას მომხმარებელს გამოავლინოს თავისი ინდივიდუალურობა, თანაც საკმაოდ ხელმისაწვდომ ფასებში“ , - აღნიშნავს მარიამ ბანცური.
კომპანია “პანცილიონი“ 2002 წლიდან არსებობს და ამ ეტაპზე წარმოდგენილია სამი მაღაზიით თბილისში: ჯავახეთის ქ. 69-ში, ერისთავის ქ. 17-ში და აღმაშენებლის ხეივანი მე-12 კმ. “პანცილიონის“ შოურუმში წამროდგენილია ევროპის წამყვანი ქვეყნებიდან იმპორტირებული ყველანაირი სახის ავეჯი. გერმანული, ბელგიური, პოლონური, უკრაინული და სხვა ევროპული ნაწარმის გარდა, 2007 წლიდან “პანცილიონში“ შესაძლებელია საქართველოში დამზადებული ავეჯის შეძენაც. რაც მთავარია, ფასები არის საკმაოდ ხელმისაწვდომი და იგი დამოკიდებულია დიზაინზე, მოდელზე, მასალაზე და მწარმოებელ ქვეყანაზე. გარდა ამისა, მომხმარებელს შეუძლია ინდივიდუალური შეკვეთების მიცემაც.