კოალიციის „არჩევანის თავისუფლებისთვის“ წარმომადგენლები დღეს ზუგდიდში, დემოკრატიული ჩართულობის ცენტრში, არასამთავრობო და მედია ორგანიზაციების წარმომადგენლებს შეხვდებიან.

კოალიციის ინფორმაციით, შეხვედრას ის მოქალაქეებიც დაესწრებიან, რომლებიც დაინტერესებულნი არიან საარჩევნო გარემოს გაუმჯობესების საკითხებით.

კოალიცია „არჩევნის თავისუფლებისთვის“ საქართველოს რვა რეგიონში გეგმავს მსგავსი შეხვედრების ორგანიზებას, რომელთა მიზანია საზოგადოებამ მიიღოს მეტი ინფორმაცია კამპანიის - „ეს შენ გეხებას“, მისი მიზნებისა და სამოქმედო გეგმის შესახებ, აგრეთვე, საარჩევნო გარემოსთან დაკავშირებულ პრობლემებსა
და მისი გაჯანსაღებისთვის აუცილებელი ღონისძიებების თაობაზე.

შეხვედრების შემდეგ კოალიცია დააფუძნებს ჯგუფებს, რომლებიც აქტიურად გაუწევენ მონიტორინგს წინასაარჩევნო პერიოდში არსებულ ვითარებას, მოაგროვებენ შესაბამის მასალებს და საზოგადოებას პერიოდულად წარუდგენენ საკუთარ ანგარიშებს ამ პერიოდში გამოვლენილი დარღვევების შესახებ. შეხვედრები რეგიონებში მთელი ზაფხულის განმავლობაში გაგრძელდება.