საგანმანათლებლო ცენტრი „ლანგეითის“ ახალგაზრდული კლუბი რიყის პარკში, რეიგანის ძეგლთან, დღეს ამერიკის დროშის  დღისადმი მიძღვნილ ღონისძიებას გამართავს.
„ლანგეითის“ ინფორმაციით, ღონისძიების ფარგლებში გამოფენა მოეწყობა, სადაც მოსწავლე-ახალგაზრდობის სასახლის აღსაზრდელთა მიერ ამერიკის დროშის თემაზე შექმნილი ნამუშევრები იქნება წარმოდგენილი. გამოფენაში მონაწილე მოზარდები საჩუქრად „ლანგეითის“ სხვადასხვა სასწავლო კურსზე ფასდაკლების ბარათს მიიღებენ.
ღონისძიებაში ამერიკული ცენტრისა და სხვადასხვა უნივერსიტეტის სტუდენტები მიიღებენ მონაწილეობას. ორგანიზატორები მათთვის წამახალისებელ ინტერაქტიულ ვიქტორინას ჩაატარებენ.
მოზარდები ასფალტს ფერადი ცარცით მოხატავენ და ერთმანეთს ამერიკის ისტორიის ცოდნაში შეეჯიბრებიან. ვიქტორინაში გამარჯვებულებს „ლანგეითი“ წამახალისებელ პრიზებს გადასცემს. მათ ზაფხულში საგანმანათლებლო ცენტრის მიერ დაგეგმილ სასწავლო გასვლით ტურებში მონაწილეობის შესაძლებლობა ექნებათ.
„ლანგეითის“ ორგანიზებით, საქართველოში უკვე აღინიშნა „მადლიერების დღე“, „ამერიკის პრეზიდენტის დღე“ და. ა.შ. ამერიკული ცენტრის მიზანი ორი ქვეყნის კულტურათა დაახლოებაა.