საქართველოს პარლამენტთან არსებული ჰერალდიკის სახელმწიფო საბჭო ხვალ თსუ-ს საგამოფენო დარბაზში  შემეცნებითი ალმანახის “ჰეროლდის” პრეზენტაციას გამართავს.
როგორც „ნიუსპრესს“ ჰერალდიკის სახელმწიფო საბჭოდან აცნობეს, ამ ტიპის ალმახი საქართველოში პირველად გამოიცემა, რადგანაც ის ჰერალდიკას, ვექსილოლოგიას, ფალერისტიკას, ნუმიზმატიკას, ბონისტიკას, სფრაგისტიკას, უნიმორფოლოგიასა და ემბლემატიკას მოიცავს.
პირველ ნომერში წარმოდგენილი იქნება სტატიები - საქართველოს სახელმწიფო გერბისა და საქართველოს სამხარეო გერბების შესახებ, საერთაშორისო ვექსილოლოგიური ასოციაციების ფედერაციის პრეზიდენტის მიშელ ლუპანის სტატიას ევროპის დროშის შესახებ, დამოუკიდებელი საქართველოს შეარაღებული ძალების სიმბოლიკის ესკიზები, სტატია პიეტრო ვესკონტეს 1325 წლის პორტოლანის შესახებ.
ასევე წარმოდგენილი იქნება იოანე ბაგრატიონის “სჯულდების” ფრაგმენტები დროშებისა და გერბის შესახებ. განხილული იქნება ჰერალდიკის ზოგადი კანონები და ტერმინოლოგია.
პრეზენტაციას თსუ-ს რექტორი ალექსანდრე კვიტაშვილი, პროფესორ-მასწავლებლები, მეცნიერები, სტუდენტები, პარლამენტის წევრები და სახელმწიფო და სხვადასხვა უწყებრივი ორგანიზაციების წარმომადგენლები დაესწრებიან.