კუს ტბაზე დღეს აქცია სახელწოდებით - „საქართველოს მარათონი სიცოცხლის გადასარჩენად“ მოეწყობა.
დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, აქციის ფარგლებში რბოლა, გამარჯვებულების დაჯილდოვება, მსვლელობა და ღია ცის ქვეშ ნიაზ დიასამიძის საქველმოქმედო კონცერტი გაიმართება.
მარათონის მიზანი ქალთა რეპროდუქციული სისტემის სიმსივნეების ადრეულ ეტაპზე გამოვლენის ხელშეწყობაა.
მსგავსი აქცია საქართველოში უკვე მეშვიდედ იმართება. 2005 წლიდან 3 წლის განმავლობაში, მარათონი ქუთაისში, ხოლო 2009 წლიდან „საქართველოს მარათონი სიცოცხლის გადასარჩენად“ თბილისში ტარდება.
მსგავსი აქციები აშშ-სა და სხვა განვითარებულ ქვეყნებში ტარდება. სუზან კომენის სარძევე ჯირკვლის კიბოს ფონდის დამფუძნებელმა ნენსი ბრიკერმა “მარათონი გადარჩენისათვის” 1983 წელს მსოფლიოში პირველად მოაწყო. მარათონმა მოსახლეობაში დიდი გამოხმაურება ჰპოვა და აშშ-ში ტრადიციად იქცა.