მიმდინარე წლის საატესტატო გამოცდები პრემიერ-მინისტრმა ნიკა გილაურმა დღეს მთავრობის სხდომაზე შეაფასა.

მისი თქმით, განათლების სისტემის რეფორმის შედეგი საკმაოდ პოზიტიურია, რაც როგორც გამოსაშვებ და ეროვნულ გამოცდებში, ისე პედაგოგთა სერთიფიცირების შედეგებში ჩანს.

პრემიერი აღნიშნავს, რომ საგრძნობლად შემცირდა გამოცდებზე მოსწავლეების ჩაჭრის შემთხვევები, რაც იმის დამადასტურებელია, რომ სკოლის დირექტორების მხრიდან დიდი მონდომებაა სასწავლო პროცესის მაქსიმალურად გაუმჯობესებასთან დაკავშირებით.

,,ვფქირობ, სწორი სასკოლო რეფორმები გავატარეთ როგორც დაფინანსების, ისე წახალისების მხრივ. სერთიფიცირებული მასწავლებელების წახალისება დიდ როლს ასრულებს ცოდნის დონის ამაღლებაში“-აღნიშნა გილაურმა.

გილაურმა პროგრამის ,,ისწავლე და ასწავლე საქართველოსთან ერთად“ მნიშვნელობაზეც ისაუბრა. მისი შეფასებით, პროექტის წარმატება მის შედეგებში გამოიხატება.