საქართველოს პრემიერ-მინისტრი ნიკა გილაური განათლების სისტემაში დაგეგმილ რეფორმას იწონებს, რომელიც ეროვნული გამოცდების გაუქმებას და 8+1 მოდელის დანერგვას გულისხმობს.

როგორც გილაურმა დღეს მთავრობის სხდომაზე განაცხადა, დღემდე მოქმედებდა სისტემა, რომლის მიხედვით მოსწავლეები სკოლაში რვა გამოცდას აბარებდნენ. შემდეგ კი, უმაღლეს სასწავლებელში ჩასარიცხად დამატებით ოთხი გამოცდის ჩაბარება უწევდათ. რეპეტიტორების დაქირავება კი ორივე გამოცდისთვის, დიდ დანახარჯებს უკავშირდება, რისი საშუალებაც ოჯახებს არ აქვთ.

გილაურის თქმით, ეს სისტემა მთავრობამ განათლების რეფორმის ფარგლებში დანერგა და თავის დროზე საკმაოდ წარმატებულიც იყო. თუმცა, დღეს გაუმჯობესებას მოითხოვს.

,,შესაბამისად, მომავალი წლიდან გვექნება სისტემა, რომლის მიხედვით მოსწავლეები სკოლაში 8 გამოცდას და პლუს ერთ გამოცდას უნარებში. უმაღლეს სასწავლებლებში მათი ჩარიცხვა სწორედ ამის მიხედვით მოხდება“ - განაცხადა გილაურმა.

პრემიერის განცხადებით წელს ეროვნული გამოცდები ძველი წესით ჩატარდება და ის 28 ივნისს დაიწყება.