თურქეთში მომხდარი ავტოსაგზაო შემთხვევის შედეგად დაშავებული საქართველოს მოქალქეები უკვე საქართველოში იმყოფებიან.
ავარია გუშინ, გირასუნის ვილაიეთის დაბა ტირებულოში მოხდა. სამგზავრო ავტობუსი, რომელშიც ქართველი ტურისტებიც იმყოფებოდნენ, გზის სავალი ნაწილიდან გადავიდა და გადაბრუნდა.
როგორც „ნიუსპრესს“ თურქეთში საქართველოს საკონსულოში განუცხადეს, ავტობუსში საქართველოს 9 მოქალაქე იმყოფებოდა, თუმცა, სხეულის მსუბუქი დაზიანებები მხოლოდ 3-მა მათგანმა მიიღო.
საკონსულოს ინფორმაციით, ადგილზე მობილიზებულმა სასწრაფო დახმარების ბრიგადებმა მათ პირველადი სამედიცინო დახმარება გაუწიეს, დაშავებულების ჰოსპიტალიზება საჭირო არ გამხდარა.
ავარიიდან ერთ საათში საქართველოს ყველა მოქალაქე საქართველოში სხვა კომპანიის ავტობუსით დაბრუნდა.

















