გამოფენამ სახელწოდებით „საქართველო - ისტორია და თანამედროვეობა“, რომელიც ვარშავაში გაიმართა, პოლონური საზოგადოების მხრიდან  დაინტერესება გამოიწვია და აქედან გამომდინარე, ექსპოზიცია ივნისში, კრაკოვსა და ჩესტოხოვაში, ხოლო სექტემბერში, ვროცლავში ჩატარდება.

გამოფენა პოლონეთში საქართველოს იუსტიციის სამინისტროს ეროვნული არქივისა და პოლონეთის სახელმწიფო არქივის ორგანიზებით ჩატარდა.

ვარშავაში ვიზიტის ფარგლებში, ეროვნული არქივის დელეგაცია გენერალური დირექტორის თეონა იაშვილის ხელმძღვანელობით, პოლონეთის სახელმწიფო არქივის დირექტორს ვლადისლავ სტეპნიაკს შეხვდა.

კოლეგები დოკუმენტების დიგიტალიზაციისა და საარქივო სფეროში თანამშრომელთა კვალიფიკაციის ამაღლების სფეროში თანამშრომლობაზე შეთანხმდნენ.

წელსვე დაიწყება საქართველოსა და პოლონეთის სახელმწიფო არქივების მიერ ორი ქვეყნის ურთიერთობების ამსახველი დოკუმენტების თაობაზე პუბლიკაციების მოსამზადებელი სამუშაოები.
ქართულმა დელეგაციამ კრაკოვის ჩარტორიკის მუზეუმის ბიბლიოთეკაში დაცული მე-11 საუკუნისა და მე-12-მე-13 საუკუნეების სახარებებიც დაათავლიერა.

პოლონეთის სახელმწიფო არქივის დელეგაცია ვლადისლავ სტეპნიაკის ხელმძღვანელობით, საქართველოს შემოდგომაზე ეწვევა.