ევროპის კვირეულის ფარგლებში, ჟენევის მოლაპარაკებების თემაზე თბილისის ივანე ჯავახიშვილის სახელობის სახელმწიფო უნივერსიტეტში საჯარო ლექცია ჩატარდა.

საქართველოს მიერ მიღწეულ შედეგებსა და სამომავლო გამოწვევებზე სტუდენტებთან საგარეო საქმეთა მინისტრის მოადგილემ სერგი კაპანაძემ და შინაგან საქმეთა სამინისტროს საინფორმაციო ანალიტიკური დეპარტამენტის უფროსმა შოთა უტიაშვილმა წარადგინეს ინფორმაცია.

სერგი კაპანაძემ ყურადღება ჟენევის მოლპარაკებების ფორმატის მნიშვნელობაზე გაამახვილა და აღნიშნა, რომ ეს ფორმატი კონფლიქტების მოგვარებას ემსახურება.

შოთა უტიაშვილმა ხაზი გაუსვა მოლაპარაკებებზე ოკუპირებული სამხრეთ ოსეთისა და აფხაზეთის პრობლემებზე საუბრის მნიშვნელობას.

მისი თქმით, მთელ რიგ კანონდარღვევებზე, რასაც ამ ტერიტორიებზე აქვს ადგილი, საუბარი სწორედ ჟენევის მოლაპარაკებების ფორმატში გამართულ შეხვედრებზე ხდება.

სტუდენტთა ძირითადი ინტერესის საგანი ინციდენტების პრევენცია და მათზე რეაგირების მექანიზმები იყო.

შეხვედრას უნივერსიტეტის რექტორი სანდრო კვიტაშვილი და საქართველოში ევროკავშირის წარმომადგენლობის ხელმძღვანელი, ელჩი ფილიპ დიმიტროვი დაესწრნენ.