„ასწავლე და ისწავლე საქართველოსთან ერთად“ პროგრამის მონაწილე უცხოელი პედაგოგები არასამთავრობო ორგანიზაცია First Step Georgia-ში შეზღუდული შესაძლებლობების მქონე მოსწავლეებს ესტუმრნენ.
განათლების სამინისტროს ინფორმაციით, სპეციალურად ბავშვებისთვის უცხოელმა პედაგოგებმა სიმღერები, თამაშები მოამზადეს და ცენტრის ბავშვები რამდენიმე საათის განმავლობაში გაართეს.
„ასწავლე და ისწავლე საქართველოსთან ერთად“ პროგრამის მონაწილე უცხოელი პედაგოგები საქართველოში კანადიდან, ამერიკის შეერთებული შტატებიდან, დიდი ბრიტანეთიდან, სამხრეთ აფრიკიდან, ავსტრალიიდან, ლიტვიდან, ირლანდიიდან, ფილიპინებიდან, ჩეხეთიდან და სხვა ქვეყნებიდან იმყოფებიან.
საქართველოს ყველა რეგიონის სკოლაში ისინი ქართველ მასწავლებლებთან ერთად, მოსწავლეებს ინგლისურ ენას ასწავლიან.
სამინისტროს ცნობით, ზაფხულის განმავლობაში მოხალისე მასწავლებლები სხვადასხვა საგანმანათლებლო პროექტებში ჩაერთვებიან, მათ შორის, მონაწილეობას მიიღებენ საზაფხულო სკოლების საქმიანობაში და მოსწავლეებს ინგლისურს შეასწავლიან.