საქართველოს ახალგაზრდა იურისტთა ასოციაცის მედიის სამართლებრივი დაცვის კოორდინატორის ნათია კააპანაძის განცხადებით,  ტელეკომპანია პირველი სტერეოსთან დაკავშირებით მფლობელებს შორის მიმდინარე დაპირისპირება კერძო სამართლის დავაა და მხარეებმა ურთიეთობა კანონის დაცვით უნდა გაარკვიონ, ისე რომ მაუწყებლობას ხელი არ შეეშალოს.
,,ახლა ყველაზე მნიშვნელოვანია ,,პირველის სტერეოს“ შენობაში არსებული ქონებისა და იმ მასალების აღწერა მოხდეს, რომელიც დავით ზილფიმიანის ტელეკომპანიის დირექტორობის პერიოდშია შექმნილი“- განაცხადა ნათია კაპანაძემ.
მისივე პოზიციით, ზილფიმიანი იმ განჩინებასაც უნდა გაეცნოს, რომელიც ტელეკომპანიაში, მისი წილის დაყადაღების შესახებ სასამართლომ გასცა და მას სასამართლოში თავისი უფლებების დაცვის შესაძლებლობა უნდა მიეცეს.
კაპანაძემ ასევე აღნიშნა, რომ დამატებითი კომენტარები ამ საკითხზე დოკუმენტების სრულად გაცნობის შემდეგ გაკეთდება.
,,საიას“ წარმომადგენელი გეოფიზიკის ინსტიტუტში განთავსებულ ,,პირველი სტერეოს“ ოფისთან სიტუაციაში გასარკვევად მოვიდა და ,,პირველი სტერეოს“ თანამშრომლებისგან იქ შექმნილ სიტუაციას გაეცნო.