სექსუალური უმცირესობების უფლებების დარღვევა დემოკრატიის ძირითად პრინციპებს ეწინააღმდეგება.  ამის შესახებ განცხადებას არასამთავრობო ორგანიზაცია „კონსტიტუციის 42-ე მუხლი” ავრცელებს.
არასამთავრობო ორგანიზაციის განცხადებით, ადამიანის უფლებათა დაცვის სფეროში თანასწორუფლებიანობის ცნებას განსაკუთრებული ადგილი უკავია და მისი დარღვევა ადამიანთა ცხოვრების ყველა ასპექტზე უარყოფით ზეგავლენას ახდენს, რაც შემდგომში მათი მარგინალიზაციის მიზეზი ხდება.
„საერთაშორისო საზოგადოება იმისკენ იღწვის, რომ ადამიანების თანასწორობა მაღალ დონეზე იქნას უზრუნველყოფილი, თუმცა, საქართველოში ამ თვალსაზრისით არსებული მდგომარეობა მძიმეა. დისკრიმინაცია, რა ფორმითაც უნდა იყოს იგი გამოხატული, ეწინააღმდეგება სამართლიანობის ცნებას“- განაცხადეს „კონსტიტუციის 42-ე მუხლში“.
არასამთავრობო ორგანიზციის წარმომადგენელთა განცხადებით,
ცალკეული პირებისა და ჯგუფების მიმართ განსხვავებული დამოკიდებულება აკრძალულია და დემოკრატიული საზოგადოების ძირითად პრინციპებს არღვევს.
მსოფლიო ჯანდაცვის ორგანიზაციამ ჰომოსექსუალობა დაავადებათა ნუსხიდან 1990 წლის 17 მაისს ამოიღო.