თბილისის მერმა გიგი უგულავამ ისან-სამგორის გამგეობაში საგანგებო თათბირი გამართა.
უგულავამ მოადგილეებთან, საქალაქო სამსახურებისა და ისანი-სამგორის  მუნიციპალიტეტების წარმომადგენლებთან ერთად სტიქიის შედეგებზე იმსჯელა.
მერის თქმით, დაზარალებულებისთვის გარკვეულ დახმარებას ფინანსთა სამინისტროც გაიღებს.
„ამჟამად, გულიას მოედანი გაიხსნა და კოლექტორი ფუნქციონირებს. პრობლემა ვიზუალურადაც ჩანს, რადგან ამ კოლექტორზე, საცხოვრებლები ყველა სტანდარტის დარღვევით არის აშენებული“ - აღნიშნა მერმა.
მისი თქმით, შედეგების სალიკვიდაციოდ, დაახლოებით 2-დან 3 მილიონამდე ლარია საჭირო, სამომავლოდ კი, სარეზერვო ფონდის გაზრდა უნდა მოხდეს.
12 მაისის სტიქიის შედეგად, თბილისში 5 ადამიანი გარდაიცვალა. გარდაცვლილთა უმეტესობა ორთაჭალაში, მოედანთან ახლოს მდებარე ქუჩებზე მდებარე სახლებში იმყოფებოდნენ. მათი დაღუპვა სახლებში შევარდნილმა ძლიერმა ნიაღვარმა გამოიწვია.