დედაქალაქში სტიქიის შედეგად ყველაზე რთული ვითარება ორთაჭალაში რჩება. პრობლემური სიატუაციაა შექმნილი ბაგებსა და ზემო ვერაზეც. ამის შესახებ თბილისის მერმა გიგი უგულავამ განაცხადა.
მან სტიქიის შედეგად გარდაცვლილთა ოჯახებსაც მიუსამძიმრა.
„მართლაც გაუგონარი ტრაგედიაა. სამწუხაროდ, ეს კიდევ ერთხელ მიუთითებს, რომ ჩვენ მეტი სიმკაცრე და ყურადღება უნდა გამოვიჩინოთ უკანონო ნაგებობების მიმართ, რადგან ხუთივე ნაგებობა, სადაც მოქალაქეები დაიღუპნენ, სწორედ მდინარის კალაპოტზე და კოლექტორებზე იყო განლაგებული“ - განაცხადა მან.
თბილისის მერის ინფორმაციით, ამ ეტაპზე, მთელს ქალაქში შესაბამისი სამსახურების ბრიგადები ქვაღორღისგან კოლექტორებსა და სანიაღვრე არხებს წმენდენ. საფინანსო სამსახური კი - ზარალს ითვლის.
გიგი უგულავა მთაგორიან დასახლებებში, კოლექტორთან ახლოს და ზედმეტად ავარიულ შენობებში მაცხოვრებლებს დრებით სახლების დატოვებას ურჩევს, ხოლო დანარჩენ მოსახლეობას სიფრთხილისკენ მოუწოდებს.
წუხელ, ძლიერი წვიმის შედეგად თბილისში 5 ადამიანი გარდაიცვალა, მათ შორის 2 მცირეწლოვანი ბავშვია.