იუსტიციის სასწავლო ცენტრში სადაზღვევო კომპანიის „არქიმედე-გლობალს ჯორჯიას“ თანაშრომელთა ეფექტური მომსახურების ტრენინგი დაიწყო.

როგორც „ნიუსპრესს“ იუსტიციის სამინისტროდან აცნობეს, სწავლების პროცესში განსაკუთრებული ყურადღება მომსახურების სტანდარტებს, თანამშრომელთა მომსახურების ხარისხის მართვასა და მონიტორინგს ეთმობა.

სამინისტროს ინფორმაციით, ტრენინგის მონაწილეები პრაქტიკულ სავარჯიშოებს ასრულებენ და ცალკეულ კონფლიქტურ სიტუაციებს განიხილავენ, რაც ეფექტური მომსახურებისთვის საჭირო უნარ-ჩვევების გამომუშავებას უწყობს ხელს.

ტრენინგის მიზანი მომსახურების ერთიანი სტანდარტის დანერგვა და მისი მონაწილეებისთვის ეფექტური კომუნიკაციისთვის საჭირო უნარ-ჩვევების განვითარებაა, რათა სადაზღვევო კომპანიის კლიენტებმა ხარისხიანი და დროული მომსახურება მიიღონ.

ეფექტური მომსახურების ტრეინინგების განხორციელება სხვადასხვა უწყებებისთვის იუსტიციის სასწავლო ცენტრმა მას შემდეგ დაიწყო, რაც უწყებამ იუსტიციის სახლის თანამშრომელთა ტრენინგი განახორციელა.

დღეისთვის, ეფექტური მომსახურების ტრეინინგი სასაწავლო ცენტრში შემოსავლების სამსახურის, მერიისა და გადაუდებელი სამედიცინო სამსახურის ცენტრის თანამშრომლებმა უკვე გაიარეს.