ე.წ. „ატსტუპნიკებმა“ საცხოვრებელი ფართების უპირობოდ დაკანონების მოთხოვით პარლამენტთან მორიგი აქცია გამართეს.
აქციის ორგანიზატორის პარტია „მომავალი საქართველოს“ ლიდერის გიორგი ლაღიძის თქმით, მიხედავად იმისა, რომ ბინათმოსარგებლეები აქციებს რამდენიმე თვეა მართავენ, ხელისუფლება მათ სრულ იგნორირებას უკეთებს და პროვოკატორების მიგზავნით აქციების დაშლას ცდილობს.
„დღეს მივიღეთ გადაწყვეტილება - თუ ხელისუფლებამ არ დაუკანონა ამ ადამინებს ის ფართები, რაშიც თანხა აქვთ გადახდილი, მხოლოდ დედაქალაქში არჩევნებს ბოიკოტს 40 000 მოქალაქე გამოუცხადებს. ამასთან, შეიქმნება საორგანიზაციო კომიტეტი და ყველა დიდ ქალაქში მცხოვრები „ატსტუპნიკების“ დახმარებით მასშტაბურ აქციებს მოვაწყობთ“ - განუცხადა „ნიუსპრესს“ ლაღიძემ.
„ატსტუპნიკები“ აქციებს სახელმწიფო და ადმინისტრაციული უწყებების შენობებთან მომავალ კვირაშიც გამართავენ.
ე.წ. „ატსტუპნიკები“ საცხოვრებელი ბინების დაკანონების მოთხოვნით, 4 თვეა საპროტესტო აქციებს მართავენ. მათ საბჭოთა ხელისუფლების დროს საცხოვრებელი ფართები ზეპირი შეთანხმების საფუძველზე შეიძინეს, თუმცა, ბინების დაკანონება ამ დრომდე არ მომხდარა.