თბილისის ზოგიერთ ქუჩას ელექტროენერგია გაეთიშა.
როგორც „ნიუსპრესს“ კომპანია „თელასიდან“ აცნობეს, სარემონტო სამუშაოების გამო, 16.00  საათამდე შუქი ჩუღურეთის რაიონში აღმაშენებლის გამზირის და უზნაძის ქუჩას არ მიეწოდებათ. ასევე, 16.00 საათამდე ელექტროენერგია შეეზღუდა გლდანის VII მიკრორაიონის აბონენტებს.
ენერგომომარაგება 11-დან 17 საათამდე ზარზმის, სარაჯიშვილის, ილორის, შეშელიძის, ხიზანიშვილის, იპოლიტოვ-ივანოვის და მიმდებარე ქუჩებს, ხოლო 16.00 საათამდე ნუცუბიძის IV მიკრორაიონის, ქავთარაძის, საირმის, ბურძგლას და მიმდებარე ქუჩების აბონენტებს არ მიეწოდება.
სარემონტო სამუშაოების გამო, 18.00 საათამდე ნაძალადევის რაიონში ცოტნე დადიანის, რკინიგზის, ჩოდრიშვილის, ქებურიას, კახიანის და მიმდებარე ქუჩების მაცხოვრებლებს, ასევე, თემქის III მიკრორაიონის, II კვარტლის აბონენტებს, ხოლო 18.00 საათამდე კრწანისის რაიონში ლესელიძის, შარდენის, სიონის და მიმდებარე ქუჩებს გაეთიშა.
ელექტროენერგიის მიწოდება 18.00 საათამდე ბარნოვის, ძმები ზუბალაშვილების, ზანდუკელის, ქობულეთის და და მიმდებარე ქუჩებს, 16.00 საათამდე კი, დაბა წყნეთის ნაწილს გაეთიშება.
სარემონტო სამუშაოების გამო, 16.00 საათამდე სამგორის რაიონის ნაწილს ელექტროენერგიის მიწოდება დროებით შეეზღუდა.
შეზღუდვა მოსკოვის გამზირის I კორპუსის V კვარტლის, ახვლედიანის, ქაიროს და მიმდებარე ქუჩებს შეეხება.