საპარლამენტო უმცირესობის ლიდერი გიორგი თარგამაძე მოითხოვს, რომ ყაზბეგის გაზმომარაგება მთელი წლის განმავლობაში ხდებოდეს.
აღნიშნული განცხადება მან დღეს პარლამენტის პლენარულ სხდომაზე გააკეთა. მისი თქმით, პრეზიდენტი რაიონებში სტუმრობისას მონოლოგებს მიეჩვია და საზოგადოებას არ უსმენს.
მისივე თქმით, გუშინ პრეზიდენტი ყაზბეგში ადგილობრივ მოსახლეობას რომ გასაუბრებდა, მოისმენდა იმ პრობლემებს, რაც მათ აწუხებთ.
მისი ინფორმაციით, გაზაფხულის დადგომისთანავე, ყაზბეგში მოსახლეობას ბუნებრივი აირი ეთიშება, არადა, მოსახლეობა მზად არის შესაბამისი საფასური გადაიხადოს, რომ მათ გაზი ზაფხულშიც ჰქონდეს.
თარგამაძეს უმრავლესობა გამოეხმაურა და მისი ინიციატივა მოახლოებულ არჩევნებს და მოსახლეობის გულის მოგებას დაუკავშირა.