სამხრეთ კავკასიის ახალგაზრდულმა პარლამენტმა პროექტის "დემოკრატია იწყება შენით" ფარგლებში დეკლარაცია მიიღო.

განათლების სამინისტროს ინფორმაციით, დეკლარაცია საქართველოდან და სომხეთიდან არჩეულმა მოსწავლეებმა ერთობლივად მიიღეს, რომელსაც ისინი მოგვიანებით ბრიუსელში, ევროპარლამენტში წარადგენენ.

სამხრეთ კავკასიის ახალგაზრდული პარლამენტის გახსნის ღონისძიებაში მონაწილეობა საქართველოს განათლებისა და მეცნიერების მინისტრმა დიმიტრი შაშკინმა, სომხეთის განათლების სამინისტროს წარმომადგენლებმა და ევროკავშირის წარმომადგენლობის ხელმძღვანელის მოადგილემ ბორის იაროშევიჩმა მიიღეს.

პროექტის "დემოკრატია იწყება შენით" ფარგლებში, სამხრეთ კავკასიის რეგიონის მასწავლებლები სამოქალაქო განათლების სწავლების საშუალებით მოსწავლეებს დემოკრატიის პრინციპების პრაქტიკაში გადატანით დაეხმარებიან.