საქართველოს განათლებისა და მეცნიერების მინისტრის დიმიტრი შაშკინის შეფასებით, უსაფრთხო სკოლის პროგრამის განხორციელების შედეგად, სკოლებში ძალადობის ფაქტები 95%–ით შემცირდა.
ეს განცხადება შაშკინმა ანტიკრიზისული საბჭოს სხდომაზე გააკეთა. მისი თქმით, მშობლების 78%–ს მიიჩნია, რომ სკოლებში უსაფრთხო გარემოა შექმნილი.
"თავის დროზე, უსაფრთხო სკოლის პროგრამაზე ბევრს კამათობდნენ. წელიწადნახევრის წინ, ჩემი მისამართით ბევრი საინტერესო რამ გავიგე, მიწოდებდნენ "მეციხოვნეს", "ჯალათს". ამჟამად მიღწეული შედეგები საზოგადოების დამსახურება და წარმატებაა" - აღნიშნა დიმიტრი შაშკინმა.
მისი ინფორმაციით, მაისის ბოლოს, საქართველოში საერთაშორისო კონფერენციის გამართვა იგეგმება, რომლის მონაწილეები აშშ-სა და ევროპის სხვადასხვა ქვეყნის წარმომადგენლები იქნებიან. მინისტრის თქმით, ისინი საქართველოს სკოლებში დანაშაულთან ბრძოლის წარმატებული გამოცდილების გასაზიარებლად ეწვევიან.