გარემოს დაცვის მინისტრმა გოგა ხაჩიძემ საერთაშორისო ეკო-საგანმანათლებლო კონკურსის პირველი ეტაპის შედეგები შეაჯამა.
მან საზოგადოებას კონკურსის ფარგლებში წარდგენილი 5 საუკეთესო საპროექტო წინადადება გააცნო და გამარჯვებულებს სერთიფიკატები გადასცა.
საერთაშორისო საგანმანათლებლო გარემოსდაცვითი კონკურსი "ბიომრავალფეროვნების ხელშეწყობა კარიერებზე" კომპანია "ჰაიდელბერგცემენტის" მიერ გარემოს დაცვის სამინისტროს მხარდაჭერით ხორციელდება. კონკურსმა სტუდენტებსა და მკვლევარებში დიდი ინტერესი გამოიწვია. კონკურსის ფარგლებში სხვადასხვა ქვეყნიდან 300 საპროექტო წინადადება წარდგენილი.

5 საუკეთესო პროექტის ავტორი კარიერებზე კვლევით სამუშაოებს გაზაფხულზე ჩაატარებენ. გამოვლენილ საუკეთესო სამეულს 5 000 ევრომდე საპრიზო თანხა გადაეცემა. 2012 წლის დეკემბერში კი - გლობალურ გამარჯვებულებს 30 000 ევრომდე დააჯილდოვებს.