საქართველოს განათლებისა და მეცნიერების მინისტრის მოადგილემ ალუდა გოგლიჩიძემ, დღეს, საერთაშორისო ოლიმპიადებში გამარჯვებულ მოსწავლეებს ჯემალ შენგელიას, გიორგი კობახიძეს, სერგი ჩალაურს, საბა ხარაბაძეს, გიორგი გონაშვილს, ჯიმშერ სხირტლაძეს და ნიკოლოზ სვანიძეს ფულადი ჯილდოები გადასცა.
განათლების სამინისტროს ინფორმაციით, საერთაშორისო ოლიმპიადებში მონაწილეობისთვის საქართველოს ნაკრები გუნდები ტრადიციულად, ეროვნულ საგნობრივ ოლიმპიადებში წარმატებული მოსწავლეებისგან დაკომპლექტდა. მათ დამატებით სპეციალური შესარჩევი ტურები გაიარეს. ნაკრები გუნდები საერთაშორისო ოლიმპიადების სტანდარტების შესაბამისად, ერთი თვის განმავლობაში, საზაფხულო ბანაკში ემზადებოდნენ.
გამარჯვებულებს ჯილდო 2 000 ლარის ოდენობით გადაეცათ. წარმატებული მოსწავლეების წასახილებას სამინისტრო მომავალშიც გეგმავს.