საქართველოს პარლამენტი, ლაგოდეხის ნაკრძალის დაარსების 100 წლისთავთან დაკავშირებულ ფოტოგამოფენას მასპინძლობს.

პარლამენტის შენობაში გამართულ ფოტოგამოფენაზე, 25 უნიკალური ფოტოა წარმოდგენილი, რომელთა ავტორები სერგო ედიშერაშვილი და თეიმურაზ სუხიტაშვილი არიან.

„ლაგოდეხის ნაკრძალი უძველესია არა მხოლოდ საქართველოში, არამედ მთელ რეგიონში. იგი 1912 წელს დაარსდა და გამორჩეულია ცხოველთა სამყაროს მრავალფეროვნებითა და მცენარეული ენდემური სახეობებით“ - განაცხადა გარემოს დაცვისა და ბუნებრივი რესურსების კომიტეტის თავმჯდომარე გიორგი ცაგარეიშვილმა ფოტოგამოფენის გახსნისას.

პარლამენტის პრეს-სამსახურის ინფორმაციით, ამ თარიღთან დაკავშირებით, კომიტეტმა დაახლოებით ერთი კვირის წინ, ლაგოდეხში გასვლითი სხდომა გამართა და ადგილზე ნაკრძალის პრობლემებს გაეცნო.