სარემონტო სამუშაოების გამო დღეს 10 - დან 12 საათამდე, ვაკის რაიონის ნაწილს ელექტრომომარაგება დროებით შეეზღუდება.

შეზღუდვა, ჭავჭავაძის გამზირის, ფალიაშვილის, აბაშიძის, თაქთაქიშვილის, კავსაძის და ბარნოვის ქუჩების მაცხოვრებლებს შეეხებათ.

ასევე სარემონტო სამუშაოების გამო, 10 - დან 13 საათამდე, ელექტროენერგიის მიწოდება საბურთალოს და მთაწმინდის რაიონების ნაწილსაც, კონკრეტულად კი, პეკინის გამზირის, ოჟიოს, შარტავას, გოთუას, ბენდელიანის, კოსტავას, ალექსიძის, ბოჭორიშვილის, ვერის შესახვევის და ნიკოლაძის ქუჩების მაცხოვრებლებს შეეზღუდებათ.

დღესვე, ქვესადგურში "ავლაბარი" პროფილაქტიკური სამუშაოების გამო, 10 - დან 16 საათამდე ელექტროენერგიის მიწოდება დროებით შეეზღუდება ყვარლის და მესხეთის ქუჩების მაცხოვრებლებსაც.

როგორც "ნიუსპრესს" კომპანია "თელასიდან" აცნობეს, 17 დეკემბერს, 10 - დან 17 საათამდე, ელექტროენერგიას შეზღუდვით მიიღებენ აგრეთვე თემქის დასახლების IV კვარტლის მაცხოვრებლები, ასევე ზაქარაიას, ჩოდრიშვილის, კაჭრეთის, კახიანის და ხუდადოვის ქუჩები.