პარლამენტის სპორტისა და ახალგაზრდულ საქმეთა კომიტეტის გადაწყვეტილებით, სპორტის აკადემია აღდგება, სახელწოდებას შეიცვლის და სპორტის უნივერსიტეტის სახელით იფუნქციონირებს.
სპორტის სამინისტროს პრესსამსახურის ინფორმაციით, უნივერსიტეტი სხვადასხვა სპორტული კვალიფიკაციის სპეციალისტებს მოამზადებს. ამ საკითხში საერთაშორისო პრაქტიკის გაზიარების მიზნით საქართველოს სპორტისა და ახალგაზრდობის სამინისტრომ, შოტლანდიელი მრჩეველი ჩარლი რებერნი მოიწვია.

ჩარლი რებერნი წლების მანძილზე შოტლანდიაში ფიზიკური კულტურის განვითარებას კურირებს. იგი არის შოტლანდიის სასკოლო სპორტის ფედერაციის საერთაშორისო წარმომადგენელი და შოტლანდიის პარლამენტში ინტერპარტიული სპორტული ჯგუფის წევრი.
12-დან 16 დეკემბრამდე ჩარლი რებერნი სამინისტროს წარმომადგენლებთან და სპორტის აკადემიის ყოფილ თანამშრომლებთან შეხვედრებსა და სემინარებს გამართავს.