საქართველოს პრემიერ–მინისტრი ბიძინა ივანიშვილი, დღეს ბიზნესცენტრთან შეკრებილ, სოციალურად დაუცველი ოჯახების წარმომადგენლებს შეხვდა.

სოციალურად დაუცველები სახელმწიფოს მიერ შეთავაზებულ ბინის ქირის გადახდაზე უარს აცხადებენ და მუდმივი საცხოვრებელი ფართით დაკმაყოფილებას ითხოვენ. მათი თქმით, მათი საცხოვრებელი სახლებით უზრუნველყოფის მიზნით გამოყოფილი რამდენიმე მილიონი ლარი დედაქალაქის მერიამ გახარჯა, რის გამოც ისინი სოციალურად მძიმე პირობებში არიან.

პრემიერ– მინისტრი ბიზნესცენტრთან შეკრებილ მოსახლეობას დაჰპირდა, რომ უახლოეს დღეებში, მათ ჯანდაცვისა და სოცუზრუნველყოფის მინისტრი შეხვდება და არსებული პრობლემის გადაჭრის გზებს დასახავს.