თბილისის საკრებულოს ქრისტიან-დემოკრატმა დეპუტატმა ჯაბა სამუშიამ დღეს, 35 წლის მარტოხელა დედას ნინო კახიანს 8 მარტი მიულოცა.
სამუშიას განცხადებით, ნინო კახიანი ორ შვილს მარტო ზრდის. შეზღუდული შესაძლებლობების მქონე მის უფროს ვაჟს ყოველდღიური სამედიცინო ზედამხედველობა ესაჭიროება.
როგორც სამუშიამ "ნიუსპრესთან" საუბრისას აღნიშნა, კახიანს სოციალური დახმარება მას შემდეგ შეუწყდა, რაც მცირე ანაზღაურებიანი სამსახური დაიწყო.
"ნინო კახიანი ორ შვილთან 300 ლარის იმედად დარჩა", - აღნიშნა ჯაბა სამუშიამ.
სამუშიამ "ქრისტიან დემოკრატების" სახელით ნინო კახიანს პირობა მისცა, რომ მისთვის სოციალური დახმარების აღდგენას ყველანაირად შეეცდება.

















