სარემონტო სამუშაოების გამო დღეს, 11 - დან 13 საათამდე, საბურთალოს რაიონის ნაწილს ელექტროენერგიის მიწოდება დროებით შეეზღუდება.

შეზღუდვა ვერეს შესახვევის, გმირთა მოედნის, გოთუას, შარტავას, ალექსიძის, ბენდელიანის, კოსტავას (ნაწილობრივ), ბოჭორიშვილის, ოჟიოს, მაყაშვილის, სანაპიროს, მელიქიშვილის, ნიკოლაძის და მიმდებარე ქუჩების მაცხოვრებლებს შეეხებათ.

11 - დან 13 საათამდე შეიზღუდება ბეთლემის, ბოტანიკის, აბანოს, სამღებროს, გორგასლის და მიმდებარე ქუჩების ელექტრომომარაგებაც.

ასევე სარემონტო სამუშაოების გამო, 10 დეკემბერს 11 - დან 18 საათამდე, ელექტროენერგიის მიწოდება შეეზღუდებათ დიღმის მასივის I და VI კვარტლის მაცხოვრებლებსაც.

როგორც "ნიუსპრესს" "თელასიდან" აცნობეს, დღესვე, 11 - დან 15 საათამდე, ელექტრომომარაგება ჩუღურეთის რაიონის ნაწილსაც, კონკრეტულად კი, აღმაშენებლის გამზირის, თამარ მეფის გამზირის (ნაწილობრივ) და კვინიტაძის ქუჩის მაცხოვრებლებს შეუწყდებათ.

ასევე შეზღუდვით მიიღებენ ელექტროენერგიას ვაზისუბნის დასახლების IV მიკრორაიონის I კვარტლის მაცხოვრებლებიც. შეზღუდვა ამ რაიონებზე 10 - დან 16 საათამდე განხორციელდება.