სპორტისა და ახალგაზრდობის საქმეთა სამინისტროს საპრესკონფერენციო დარბაზში გამართულ ხელბურთის ეროვნული ფედერაციის საანგარიშო-საარჩევნო ყრილობაზე, ხელბურთის ფედერაციის პრეზიდენტად ზურაბ კაკაბაძე აიჩიეს.

საქართველოს სპორტისა და ახალგაზრდობის საქმეთა სამინისტროს ინფორმაციით, ფედერაციის პერეზიდენტობისთვის 3 კანდიდატი - ვახტანგ მეიფარიანი, ზურაბ კაკაბაძე და ზაზა კალანდაძე იბრძოდა, თუმცა არჩევნების წინა დღეს ორმა კანდიდატმა ვახტანგ მეიფარიანმა და ზაზა კალანდაძემ კანდიდატურა მოხსნა, პრეზიდენტობის დარჩენილ კანდიდატს ზურაბ კაკაბაძეს კი 20 დელგატიდან მხარი 19-მა დაუჭირა.

არჩეულმა პრეზიდენტმა ვიცე-პრეზიდენტებად იმედო ფხაკაძის, ვახტანგ მეიფარიანის და ელიზბარ არსენაშვილის დამტკიცება ითხოვა, რაზეც დელეგატებისგან მხარდაჭერა მიიღო.

არჩევნებს დაესწრნენ სპორტისა და ახალგაზრდობის საქმეთა მინისტრი - ლევან ყიფიანი და მისი მოადგილე თამაზ თევზაძე. ლევან ყიფიანმა ვეტერანი ხელბურთელი იმედო ფხაკაძე სპორტის რაინდის წოდებით დააჯილდოვა.