თბილისის ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტის მაგისტრანტი სტუდენტები თბილისის პრობაციის ბიუროს სტუმრობდნენ.

როგორც „ნიუსპრესს“ პრობაციის ბიუროდან აცნობეს, ბიუროს უფროსმა ბესიკ ცხადაძემ და პრობაციის ოფიცრებმა, სტუდენტებს, პირობით მსჯავრდებულებთან მუშაობის სპეციფიკა, საზოგადოებისათვის სასარგებლო შრომის აღსრულების მექანიზმები, რისკებისა და საჭიროების შეფასების მეთოდოლოგიის თავისებურებები და პრობაციონერთა რესოციალიზაციის მიზნით მიმდინარე სარეაბილიტაციო პროექტები გააცნეს.

სტუდენტებმა სამუშაო პროცესის დროს დაათვალიერეს პირობით მსჯავრდებულთა რეგისტრაციის, კანცელარიისა და ვიდეოპაემნის ოთახები.

პრობაციის ეროვნული სააგენტო, საზოგადოების ინფორმირებისა და სისტემის გამჭირვალეობის მიზნით, მსგავს ღონისძიებებს კვლავ გეგმავს.