თბილისის საკრებულოს ფრაქცია „ქრისტიან-დემოკრატების“ თავმჯდომარე ზაზა გაბუნია გამოდის ინიციატივით, რომ ახლანდელ ევროპის მოედანსა და მეტეხის ხიდს 100 000 ქართველო მოწამის სახელი ეწოდოს. ამის შესახებ ზაზა გაბუნიამ დიდუბის ეკლესიასთან ისაუბრა, საიდანაც მეტეხის ხიდისკენ მსვლელობა გაიმართა.

„ამ უპრეცედენტო, უმაგალითო გმირობის როგორც დიდი ისტორიული ფაქტის და მასში მონაწილე გმირი ადამიანების უკვდავყოფა თანამედროვე ქართველების ვალია და ამ გზით შესაძლებელია ჩვენი მცირედი წვლილი შევიტანოთ 100 000 წმინდა მოწამის სახელების პატივისცემაში“-განაცხადა გაბუნიამ.

გაბუნიას თქმითვე, არ არის წინააღმდეგი თბილისში ევროპის სახელობის მოედნის არსებობისა, ამიტომ ის სთავაზობს საკრებულოს "ნაციონალურ მოძრაობას", რომ ვარდების მოედანს ეწოდოს ევროპის სახლი, რადგან გაბუნიას „არასწორად მიაჩნია ისეთი პოლიტიკური მოვლენის სახელის მქონე მოედნის არსებობა, რომელიც ვერ შედგა და სიკეთე ვერ მოუტანა სახელმწიფოს და საზოგადოებას.