თბილისის რამდენიმე ქუჩას ხვალ ელექტროენერგიის მიწოდება შეეზღუდება.

როგორც „ნიუსპრესს“ კომპანია „თელასიდან“ აცნობეს, შუქი 10-დან 16:00 საათამდე გლდანის VI მიკრორაიონს, ვარკეთილის მასივის I, III, IV, X კვარტლებს, შუამთის, საცხენისის, თრიალეთის და კალოუბნის ქუჩებს გაეთიშება.

ელექტროენერგია 10-დან 17:00 საათამდე ნუცუბიძის IV მიკრორაიონს, ვაჟა-ფშაველას IV კვარტალს და ლისის ტბის მიმდებარე ტერიტორიას, ვაზისუბნის III მიკრორაიონის I კვარტალს, წინანდლის და კასპის ქუჩებს შეეზღუდება.

დროის აღნიშნულ მონაკვეთში შეზღუდვა გურამიშვილის გამზირის ნაწილს, თემქის დასახლების IV კვარტალს, III მიკრორაიონის I და IV კვარტლებს, ლაგურაშვილის და რომელაშვილის ქუჩებს შეეხება.

10-დან 18:00 საათამდე ენერგომომარაგება ცოტნე დადიანის გამზირის ნაწილს, ძმები გარიშვილების, გოგაშენის, ვაზიანის და ბჟოლეთის ქუჩებს არ მიეწოდება.

შუქი 11-დან 14:00 საათამდე მოსკოვის გამზირის ნაწილს, ქაიროს და ჯავახეთის ქუჩებს, ხოლო 11-დან 18:00 საათამდე დაბა კოჯორსა და სოფელ ტაბახმელას გაეთიშება.