საარჩევნო კოდექსის თანახმად, საპარლამენტო არჩევნებთან დაკავშირებით, 1 ოქტომბერი მთელი საქართველოს მასშტაბით უქმე დღედაა გამოცხადებული.

1 ოქტომბრის უქმე დღედ გამოცხადება, მოქალაქეებისთვის არჩევნებში შეუფერხებლად მონაწილეობის მიღებითაა განპირობებული.

არჩევნების დღეს დედაქალაქში ჩვეულ რეჟიმში იმუშავებს მუნიციპალური ტრანსპორტი და მიკროავტობუსები.

როგორც „ნიუსპრესს“ თბილისის მერიის პრესსამსახურში განუცხადეს, თბილისის „მეტროპოლიტენი“ დილის 06:00-დან 24:00 საათამდე, ხოლო ავტობუსები 07:00 საათიდან დაახლოებით, 23:00 საათამდე იმუშავებენ.

კომპანია „თბილისის მიკროავტობუსის“ პრესსამსახურის ინფორმაციით, ასევე, ჩვეულ რეჟიმში იმუშავებს მიკროავტობუსებიც. კერძოდ, ისინი ქალაქში დილის 06:30 საათიდან ღამის 23:00 საათამდე იმოძრავებენ.

საქართველოში ხვალ საპარლამენტო არჩევნები გაიმართება. არჩევნების 1 ოქტომბერს დანიშვნასთან დაკავშირებით, საქართველოს პრეზიდენტმა მიხეილ სააკაშვილმა განკარგულება 1 აგვისტოს გამოსცა.