თბილისის სახელმწიფო უნივერსიტეტის პირველ კორპუსთან ამ წუთებში სტუდენტები საპროტესტო აქციის გამართვის მიზნით იკრიბებიან.  

როგორც „ნიუსპრესს“ სტუდენტური აქციის ერთ-ერთმა ორგანიზატორმა გიორგი გაბელიამ განუცხადა, პატიმრების სოლიდარობის აქცია უნივერსიტეტთან რამდენიმე წუთში დაიწყება, რის შემდეგაც სტუდენტები ფეხით  ვარაზისხევიდან პროკურატურისა და თავდაცვის სამინისტროს მიმართულებით მსვლელობას მოაწყობენ.

ამასთან, საპროტესტო მსვლელობას მართავენ სამედიცინო უნივერსიტეტის სუდენტები, მსვლელობისთვის უკვე ემზადებიან სხვა სასწავლებლების სტუდენტებიც.

„ჩვენ პატიმართა წამების ფაქტებს კიდევ ერთხელ გავაპროტესტებთ. მხოლოდ საკადრო ცვლილებების განხორციელება საქმეს ვერ უშველის. მოვითხოვთ, ყველა ის პირი დაისაჯოს, ვინც პატიმართა წამებაში მონაწილეობდა“-განაცხადა გაბელიამ.